قصيدة ما نسيتك للشاعر حازم جابر

ويه عمره الكاك تمشي بسمر بجفني ويه رمشي
شرد اكلك وانت كلشي انت فرحي
مالكاني مالكيته لملميتك

لملميتك يانده مبعثر على الوردات ويه طرت الفجر خايف لكيتك
ولملميتك صفنه صفنه وذكرى ذكرى ودمعه دمعه وكبريتك
وجيتك اتهجالك حروف العشك مثل الاطفال
وصرت تقره واني صار سنين احاول ماقريتك
وكالو بعد متخضر بكلبك محبتي
جيت اناغيلك شعر مسكي بدموعي وخضريتك
وشلتك بروحي عطش كل هالسنين
وانت تغرك بالعسل كد مارويتك
وعصرت كل عطر البروحي الك بثنين اديه
وجيت يمك عطريتك وجنت اكل للناس غركني بحنانه
وهمه بعيوني لكو دمعت اذيتك
ومانسيتك.....
هيه هاي المشكله التاكل بروحي
اني ناسي وجوه ناسي اله انت مانسيتك
ويه عمري الكاك تمشي
مبسمر بجفني ويه رمشي شرد اكلك وانت كلشي
انت فرحي الي مالكاني ومالكيتك وهسه وينك
مو خلص شوفي على دروب الي بيه تنطريتك
وهسه وينك كالو بأخر الدنيا حلم باجر تشوفه
جيت امشي وصرت ازحف وصلت ميت واعتنيتك
وكسرت خاطر العالم بجو من كثر متسوليتك
ليش ياكلبي تظل هيج على نيتك
وكلي منهو الهسه يتحمل خطيتك
اه يالخلوك وحدك وانعرف للناس صيتك
واه يالمختنك دومك والهوه مادخل ريتك
اي شجاني بماي حبهم جيت بيديه سكيتك
ليش صدكت الشمس باجر تدك الباب وتضوي على بيتك
وليش صدكت الحجي الجذاب من كالو نطش اعمارنا ورود لمشيتك
ليمته ياكلبي تظل هيج على نيتك

ليش ياكلبي تظل هيج على نيتك
كلي منهو الي هسه يتحمل خطيتك
اه يالخلوك وحدك وانعرف للناس صيتك